IRI HATE

Pengarang : Cek Joll Geutanyoe

Salam a'laikom, kawoem syedara.
Tuha ngon muda, saban uloen kheun.
Izin loen tuleh, bareh si kata.
uloen ci rika, bacut lam mideun.

Iri lam hate, loen uke sastra.
Benci lam dada, rata jeut ureung
Bahle neu simak, hai mak ngon apa.
Ngat meuhoe punca, haba loen surueng.

Peunyaket tuboeh, keubit troeh kira.
Peunyaket dada, meusoe ek bileung.
Iri lam hate sabe, ngon bangsa.
Ta eu gob kaya, tanyoe jeut su uem.

Di gop jeut di ek, hay cek AVANZA.
Tanyoe ka subra, macam tajak kheun.
Di gop jeut di poe, sampoe angkasa.
Reubah lam tika, tanyoe lam mideun.

Di gop jeut meujak, tapak meubanja.
Tanyoe jak kira, mandum ka kengkeung.
Di gop jeut di bloe, lage droe hawa.
Mirah ngon muka, capang on punyung.

Pakoen keuh meunan, teuman syedara.
Pakoen ayah wa, benci keu ureung.
Pakoen keuh tanyoe, meunoe calitra.
Pakoen ayahnda, saket lam tuleung.

Langkah raseuki, geubi keu hamba.
Gasien ngon kaya, meubek jeut hireun.
Meubek jeut beungeh, tan rumeh muka.
Ta eu gop beda, wahe e adeun.

Dalam kandongan, meunan ta pinta.
Beu hak tan kaya, kaleuh tanyoe tung.
Beu hak pih tanyoe, tamse nyoe raja.
Iri lam dada, meubek ta meutung.

Walau meu iman, ruman jeulita.
Dak tatop muka, dausa hai kuntum.
Teunte bak Allah, salah teuh raya.
Tutoeng dum fahla, tamse ban rangkeum.

Beu ingat ingat, jeut saat gata
Nikmat bak ESA, sidroe yang agung.
Peunteng geu tanyoe, binoe ngon muda.
Gigeh useuha, beutroh ban takheun.

Bek tanyoe gadoeh, talhoeh gob gura.
Keudroe tan jaga, kabeh ngon meuglum.
Iri lam hate, sabe ngon lingka.
Putoh syedara, rugoe ban bandum.

Ohno meu mada, rika loen puta.
Meupat yang cupa, meubek neu taksum.
Kadang long marit, meugrit lam dada.
Jaroe neu buka, wahe fan jangeun.

       ---------Wasalam-----------

Diposkan oleh : Zulfahmi Mustafa